滅火器樂團 心內話
滅火器Fire EX.《心內話》Bottom of My Heart - Official Music ...
熟似的聲 問我食飽未 哪會遮慢接電話
si̍k-sāi ê siann mn̄g guá tsia̍h-pá buē ná ē tsiah bān tsiap tiān-ué
我無講話 毋知講啥貨
guá bô kóng-uē m̄ tsai kóng siánn huè
結束一工的工課 啥物攏無想欲做
kiat-sok tsi̍t-kang ê khang-khuè siánn-mih lóng bô siūnn beh tsuè
為怎樣心內總是空空 親像欠一塊
uī-tsuánn-iūnn sim-lāi tsóng sī khang-khang tshin-tshiūnn khiàm tsi̍t tè
思念親像萬丈深坑
su-liām tshin-tshiūnn bān-tn̄g tshim-khenn
一旦墜入深坑底 想欲脫離愛講出心內話
it-tàn tuī li̍p tshim-khenn té siūnn beh thuat-lī ài kóng-tshut sim-lāi-uē
驚恁煩惱 驚恁毋甘 驚恁受風寒
kiann lín huân-ló kiann lín m̄-kam kiann lín siū hong-kuânn
我真認真 也真拍拚 想欲做予恁驕傲的囡仔
guá tsin līn-tsin iā tsin phah-piànn siūnn beh tsò hōo lín kiau-ngōo ê gín-á
驚恁煩惱 驚恁毋甘 驚恁受風寒
kiann lín huân-ló kiann lín m̄-kam kiann lín siū hong-kuânn
天公伯啊 你若有咧看 請你保庇 保庇一家伙仔
thinn-kong-peh ah lí nā ū teh khuànn tshiánn lí pó-pì pó-pì tsi̍t-ke-hué-á
厝內的恁 食飽未 想欲共恁敲電話
tshù-lāi ê lín tsia̍h-pá buē siūnn beh kā lín khá tiān-uē
電話攑開 煞開始躊躇 毋知講啥貨
tiān-uē gia̍h-khai suah khai-sí tiû-tû m̄ tsai kóng siánn huè
我真認真工課 生活嘛真聳勢
guá tsin līn-tsin khang-khuè sing-ua̍h mā tsin sáng-sè
只是有時啉酒會烏白發脾氣 食薰閣撟䆀話
tsí-sī ū-sî lim-tsiù ē oo-pe̍h huat phî-khì tsia̍h-hun koh kiāu bái-uē
思念親像萬丈深坑
su-liām tshin-tshiūnn bān-tn̄g tshim-khenn
一旦墜入深坑底 想欲脫離愛講出心內話
it-tàn tuī li̍p tshim-khenn té siūnn beh thuat-lī ài kóng-tshut sim-lāi-uē
驚恁煩惱 驚恁毋甘 驚恁受風寒
kiann lín huân-ló kiann lín m̄-kam kiann lín siū hong-kuânn
我真認真 也真拍拚 想欲做予恁驕傲的囡仔
guá tsin līn-tsin iā tsin phah-piànn siūnn beh tsò hōo lín kiau-ngōo ê gín-á
驚恁煩惱 驚恁毋甘 驚恁受風寒
kiann lín huân-ló kiann lín m̄-kam kiann lín siū hong-kuânn
天公伯啊 你若有咧看 就愛你保庇 保庇一家伙仔
thinn-kong-peh ah lí nā ū teh khuànn tiō ài lí pó-pì pó-pì tsi̍t-ke-hué-á
驚恁煩惱 驚恁毋甘 驚恁受風寒
kiann lín huân-ló kiann lín m̄-kam kiann lín siū hong-kuânn
我真認真 也真拍拚 想欲做予恁驕傲的囡仔
guá tsin līn-tsin iā tsin phah-piànn siūnn beh tsò hōo lín kiau-ngōo ê gín-á
驚恁煩惱 驚恁毋甘 驚恁受風寒
kiann lín huân-ló kiann lín m̄-kam kiann lín siū hong-kuânn
天公伯啊 你若有咧看 就愛保庇 保庇一家伙仔
thinn-kong-peh ah lí nā ū teh khuànn tiō ài pó-pì pó-pì tsi̍t-ke-hué-á
天公伯啊 你若有咧看 拜託你保庇 保庇一家伙仔
thinn-kong-peh ah lí nā ū teh khuànn pài-thok lí pó-pì pó-pì tsi̍t-ke-hué-á
